Bizkaiko Foru Zuzenbidearen berezitasun nagusia den enborrekotasuna gizartean bertan zeinen errotuta dagoen ondo baino hobeto islatzen dute 1526ko Foru Berriak edota Eusko Legebiltzarraren 3/1992 Legeak. Baterako jabetza edo enbor-jabetza delakoa, jabetza eskubidearen aldaera berezi bat dugu. Kasu hauetan, titularrak ondasunen gaineko jabetza osoa izaten du, baina ezin ditu askatasunez xedatu, bere odolkideek lehentasunez eskuratzeko daukaten eskubidea errespetatu gabe. Instituzio honen helburua, ahaide hauek ondasun tronkalen gainean dauzkaten eskubideak babestuz, familiaren ondarearen batasun eta jarraitasuna bermatzea da. Dena den, instituzio hau egungo gizartearen eskakizunei egokitzeko asmoz, egungo doktrina, jurisprudentzia eta legegileak bere ondoriorik erradikalenei muga batzuk ezartzeko ahaleginak egiten ari dirá.