Frantsesek Gipuzkoa menperatu zutenean, Jose Bonaparteren gobernua ezarri zen. Gobernu hark apurka Gipuzkoako foru erakundeak sakonki eraldatu zituen. Biltzarrak desagerrarazi ere egin zituen, deialdiak debekatuz, eta baita Aldundia ere, 1810ean deuseztatu baitzuen. Thouvenot jeneralaren mendean, Bizkaiko gobernuak erakunde politikoen sare bat sortu zuen; horrenbestekoa, ezen sakon- ki eraldatu zen Antzinako Erregimenean indarrean zegoen sistema. Gero, Erre- geordetzaren gobernuak ere Probintziako erakundeak aldatu zituen, eta, nahiz eta Probintziak oinarrizko erakundeak, Biltzarrak eta Aldundiak berreskuratu, 1812ko Konstituzioaren aurrekontuak onartu behar izan zituen. Fernando VII. itzuli zenean berreskuratu ahal izan zituen 1808an zituen erakunde guztiak, eta batez ere 1814an foruak onartu zirenean.